جسم کی بہترین نشونما کے لئے ہڈیوں کا مضبوط ہونا نہایت ضروری ہے ۔عمر گزرنے کے ساتھ ساتھ ہڈیاں کمزور ہونا ایک قدرتی امرسمجھا جاتا ہے لیکن ایسا نہیں ہے۔ چند غذاؤں کا باقائدگی سے استعمال بڑھتی عمر میں بھی ہڈیوں کو مضبوط رکھ سکتا ہے ۔ مضبوط ہڈیوں کے لئے وٹامن ڈی اور کیلشیم اہم کردار ادا کرتے ہیں ۔ چند سادہ غذائیں ایسی ہیں جو وٹامن ڈی اور کیلشیم کی زیادہ مقدار ہونے کی وجہ سے ہڈیوں کو مضبوط بناتی ہیں۔
۔۔1 دہی ایک ایسی غذا ہے جس میں کیلثیم کے ساتھ وٹامن ڈی بھی کثیر تعداد میں موجود ہوتی ہے۔ ایک کپ دہی میں 30فیصد کیلشیم اور 20فیصد وٹامن ڈی موجود ہوتا ہے، جوان دونوں غذائی کی ایک دن کی جسمانی ضرورت کو پورا کر دیتا ہے۔
۔۔2 سامن مچھلی آپکی ہڈیوں کے لئے ایک بہترین غذا ہے۔ سامن مچھلی میں وٹامن ڈی اور کیلشیم کی وافر مقدار موجود ہوتی ہے ۔اسکے علاوہ مچھلی میں اومیگا 3 بھی موجود ہوتا ہے جو آپکے دل کی صحت کے لئے نہایت مفید مانا جاتا ہے۔
۔۔3 دودھ کیلشیم اور وٹامن ڈی سے بھرپور ہوتا ہے اس کو ایک مکمل غذا کہا جاتا ہے۔ 8اونس دودھ میں 30فیصد کیلشیم اور وٹامن ڈی کی کثیر تعداد موجود ہوتی ہے، جو ہڈیوں کی مضبوطی کے لئے نہایت نفع بخش ہے۔
۔۔4 بادام کو اپنی روزمرہ کی خوراک میں شامل کر کے آپ صحت مند و مضبوط ہڈیاں پا سکتے ہیں۔ کیلثیم کے علاوہ بادام سے صحت بخش چکنائی بھی حاصل کر سکتے ہیں جو آپکی مجموئی صحت کے لئے نہایت فائدے مند ہے۔
۔۔5 پنیر کیلشیم سے بھرپور ہوتا ہے لیکن اس کا معتدل استعمال ہی صحت مند ہڈیوں کی ضمانت بن سکتا ہے۔ ڈیڑھ اونس پنیر میں 30 فیصد سے زائد کیلشیم موجود ہوتا ہے، جو ایک دن کی کیلشیم کی ضرورت پوری کرنے کے لئے کافی ہے۔
۔۔6 اگرچہ ایک انڈے میں صرف 6 فیصد وٹامن ڈی ہوتا ہے لیکن یہ وٹامن کے حصول کا نہایت آسان ذریعہ ہے، دوسرا انڈے کی زردی وٹامن ڈی سے بھرپور ہوتی ہے۔
۔۔7 پالک ہڈیوں کو ضروری کیلثیم مہیا کرنے کے لیے ہفتے میں کم از کم ایک بار ضرور کھائیں ۔پالک میں نہ صرف 25 فیصد کیلشیم ہوتا ہے بلکہ یہ فائبر، آئرن اور وٹامن اے سے بھی بھرپور ہوتا ہے۔
۔۔8 مالٹے کے تازہ جوس میں براہ راست کیلشیم یا وٹامن ڈی تو نہیں ہوتا لیکن یہ ان اجزا کے حصول کو آسان بنا دیتا ہے۔ متعدد تحقیقات یہ ثابت کر چکی ہیں کہ مالٹے کے جوس میں موجود اسکوربک نامی ایسڈ جسم میں کیلیشم کو جذب کرنے کی صلاحیت بڑھا دیتا ہے
Comments
Post a Comment