CGM machine

 

دو ہفتے پہلے میں نے اپنے بازو پر

 CGM

 مشین لگوائی تھی اور اس کی ویڈیو بھی اپنے فالوورز کے ساتھ شیئر کی تھی تاکہ زیادہ سے زیادہ لوگوں میں آگاہی پیدا کی جا سکے۔ آج جب یہ سفر مکمل ہوا تو میں نے سوچا کہ اس دوران سیکھے گئے چند اہم اسباق آپ کے ساتھ بھی شیئر کروں۔

سب سے پہلے یہ سمجھ لیجیے کہ

 CGM

 صرف شوگر کے مریضوں کے لیے نہیں ہے۔

میں خود شوگر کا مریض نہیں ہوں، لیکن اپنی باڈی، انسولین رسپانس اور میٹابولزم کو بہتر طور پر سمجھنے کے لیے میں نے یہ تجربہ کیا۔

CGM

 مشین آپ کو کیا کچھ بتاتی ہے؟

۔✅ 24 گھنٹے شوگر کا مسلسل ریکارڈ

۔✅ فاسٹنگ شوگر کی کیفیت

۔✅ رینڈم شوگر کی ریڈنگز

۔✅ کھانا کھانے کے بعد شوگر کتنی اوپر جاتی ہے

۔✅ رات بھر سوتے ہوئے شوگر کا رویہ

۔✅ ٹائم اِن رینج 

۔✅ گلوکوز ویری ایبلٹی 

۔✅ متوقع 

۔✅ انسولین ریزسٹنس کے ابتدائی اشارے

۔✅ کون سی غذائیں آپ کے لیے موزوں ہیں اور کون سی نہیں

اگر شوگر خطرناک حد تک کم ہو جائے یا بہت زیادہ بڑھ جائے تو موبائل فون پر الارم بھی آ جاتا ہے۔

یہ بالکل ایسے ہے جیسے آپ کے جسم کے اندر ایک چوکیدار ہر وقت ڈیوٹی پر موجود ہو۔

HbA1c اور Time In Range

 کیوں اہم ہیں؟

HbA1c 

ہمیں بتاتا ہے کہ پچھلے تقریباً تین ماہ میں شوگر کا اوسط رویہ کیسا رہا۔ جبکہ 

Time In Range 

یہ بتاتا ہے کہ آپ کی شوگر دن کا کتنا حصہ محفوظ حدود میں رہی۔

یہ دونوں چیزیں شوگر کے مریضوں کے لیے انتہائی اہم ہیں کیونکہ انہی کی مدد سے آنکھوں کی بینائی، گردوں کی بیماری، اعصابی کمزوری، دل کی بیماریوں اور دیگر پیچیدگیوں کے خطرات کا اندازہ لگایا جا سکتا ہے۔

جتنا زیادہ وقت آپ کی شوگر محفوظ رینج میں رہے گی، اتنا ہی آپ کا جسم مستقبل کی پیچیدگیوں سے محفوظ رہے گا۔

اور سب سے حیران کن بات؟

یہ سب کچھ بغیر درد کے، بغیر بار بار انگلی میں سوئی چبھونے کے، صرف ایک چھوٹی سی ڈیوائس کے ذریعے ممکن ہے۔

CGM

 سے میں نے کیا سیکھا؟

۔🚶‍♂️ سبق نمبر 1

ہر کھانے کے بعد صرف 10 منٹ کی واک ایک جادو ہے۔

میں نے دیکھا کہ کھانے کے فوراً بعد 10 منٹ کی چہل قدمی شوگر اسپائکس کو حیران کن حد تک کم کر دیتی ہے۔

بعض اوقات یہ فائدہ دن میں دو گھنٹے الگ چلنے سے بھی زیادہ مؤثر محسوس ہوا کیونکہ کھانے کے فوراً بعد کی واک انسولین کے کام کو بہتر بناتی ہے۔

۔🥚 سبق نمبر 2

کاربوہائیڈریٹس سے پہلے تھوڑا سا پروٹین کھائیں۔

چار بادام، دو چمچ دہی یا ایک انڈے کی سفیدی...

صرف اتنی سی چیز نے شوگر کے گراف کو یکسر بدل دیا۔

میں نے بارہا دیکھا کہ جب پروٹین پہلے لیا جائے تو بعد میں شوگر کی اچانک چھلانگ کافی حد تک کم ہو جاتی ہے۔

۔🌙 سبق نمبر 3

رات کا کھانا جلدی کھائیں اور بعد میں چہل قدمی کریں۔

یہ عادت فاسٹنگ شوگر پر حیرت انگیز اثر ڈالتی ہے۔

جو لوگ صبح کی شوگر بہتر کرنا چاہتے ہیں، ان کے لیے یہ ایک بہت طاقتور حکمت عملی ہے۔

۔🍎 سبق نمبر 4

خالی پیٹ پھل کھانے میں احتیاط کریں۔

خاص طور پر اگر آپ کو فیٹی لیور، پری ڈائیبیٹیز، انسولین ریزسٹنس یا شوگر کا مسئلہ ہے۔

میں نے دیکھا کہ خالی پیٹ بعض پھل شوگر کو نسبتاً تیزی سے اوپر لے جا سکتے ہیں، جبکہ اگر انہیں متوازن غذا یا پروٹین کے ساتھ کھایا جائے تو صورتحال مختلف ہوتی ہے۔

آخری بات

CGM 

نے مجھے ایک چیز بہت واضح طور پر سکھائی:

ہر انسان کی باڈی الگ ہے۔

جو غذا ایک شخص کے لیے بہترین ہے، ضروری نہیں کہ وہ دوسرے شخص کے لیے بھی اتنی ہی موزوں ہو۔

اگر آپ کی فیملی میں شوگر موجود ہے، آپ کا وزن زیادہ ہے، فیٹی لیور ہے، انسولین ریزسٹنس ہے یا آپ صرف اپنی صحت کو بہتر طور پر سمجھنا چاہتے ہیں تو CGM ایک ایسا تجربہ ہے جو آپ کی آنکھیں کھول سکتا ہے۔

بعض اوقات صرف 14 دن کا ڈیٹا آپ کو اپنی صحت کے بارے میں اتنا کچھ سکھا دیتا ہے جو شاید برسوں میں بھی نہ سیکھ سکیں۔

اور یہی وجہ ہے کہ میں اسے صرف ایک مشین نہیں بلکہ "شوگر کا خفیہ جاسوس" کہتا ہوں۔ 🕵️‍♂️📈