کیا آپ اپنے والدین کا حصہ نکالتے ہیں ؟
آپ میں سے جن کے والدین وفات پا چکے ہیں، کیا وہ ابھی بھی اپنے والدین کے لیئے آمدن میں سے کچھ حصہ نکالتے ہیں ؟
ایک دن میں اپنے دوست کے ساتھ بیٹھا تھا، میں نے نوٹ کیا کہ وہ اپنی ماہانہ انكم کی تقسیم کچھ يوں کر رہا تھا
*یوٹیلیٹی : 25000*
*کرایہ : 50000*
*دوائیاں : 2000*
*والدہ : 3000*
*والد : 3000*
میں جانتا تھا کہ اس کے والدین حیات نہیں ہیں، میں نے تعجب سے پوچھا کہ آپ ابھی بھی ان کے لیئے حصہ نکالتے ہیں، جبکہ وہ حیات نہیں ؟
اس نے مسکراتے ہوئے جواب دیا : جی ہاں میرے والدین اس دنیا سے جا چکے ہیں، لیکن اس کا یہ مطلب نہیں، کہ وہ میرے دل سے بھی جا چکے ہیں۔ وہ میرے بہت قریب ہیں، وہ ہمیشہ میرے دل میں رہتے ہیں، ان کو اب بھی میری ضرورت ہے، انہیں اب میری دعاؤں اور صدقات کی ضرورت ہے، اس لیئے میں باقاعدگی کے ساتھ والدین کی ذات کے لیئے ﷲ رب ذوالجلال کی راہ میں خرچ کرتا رہتا ہوں ۔ یا مجھے ایسا نہیں کرنا چاہیے ؟
یاد رکھیں کہ آپ پر آپ کے والدین کا حق اس دنیا سے رخصت ہونے کے بعد بھی ختم نہیں ہو جاتا ۔یاد کریں کہ آپ نے اپنے والدین کے لیئے آخری مرتبہ کب صدقہ خیرات کیا ؟
اور آج سے ہی عزم کر لیں، کہ آپ باقاعدگی کے ساتھ اپنے والدین کے لیئے صدقه جاريه کے طور یہ عمل کریں گے
Comments
Post a Comment