حضرت ادریس علیہ سلام زندہ جنت میں کیسے داخل ہوئے ؟
آپ کا نام اخنوح ھے، آپ حضرت نوح علیہ السلام کے والد کے دادا ہیں حضرت آدم علیہ السلام کے بعد آپ ہی پہلے رسول ہیں آپ کے والد حضرت شیث بن آدم علیہما السلام ہیں سب سے پہلے جس شخص نے قلم سے لکھا وہ آپ ہی ہیں کپڑوں کے سینے اور سلے ہوۓ کپڑے پہننے کی ابتداء بھی آپ ہی سے ہوئی اس سے پہلے لوگ جانوروں کی کھالیں پہنتے تھے سب سے پہلے ہتھیار بنانے والے ترازو اور پیمانے قائم کرنے والے اور علم نجوم و حساب میں نظر فرمانے والے بھی آپ ہی ہیں یہ سب کام آپ ہی سے شروع ہوۓ اللہ تعالی نے آپ پر تیسں صحیفے نازل فرماۓ اور آپ اللہ تعالی کی کتابوں کا بکثرت درس دیا کرتے تھے اس لئے آپ کا لقب ادریس ہو گیا اور آپ کا یہ لقب اس قدر مشہور ہو گیا کہ بہت سے لوگوں کو آپ کا اصلی نام معلوم ہی نہیں. قرآن مجید میں آپ کا نام ادریس ہی ذکر کیا گیا ھے، آپ کو اللہ تعالی نے آسمان پر اٹھا لیا ھے
بخاری و مسلم کی حدیث میں ہے کہ حضور اکرم صلی اللہ علیہ وسلم نے شب معراج حضرت ادریس علیہ السلام کو چوتھے آسمان پر دیکھا حضرت کعب احبار رضی اللہ تعالی عنہ وغیرہ سے مروی ھے حضرت ادریس علیہ السلام نے ملک الموت سے فرمایا کہ موت کا مزہ چکھنا چاہتا ہوں. کیسا ہوتا ھے...؟
تم میری روح قبض کر کے دکھاؤ. ملک الموت نے اس حکم کی تعمیل کی اور روح قبض کر کے اسی وقت آپ کی طرف لوٹا دی اور آپ زندہ ہو گئے پھر آپ نے فرمایا کہ اب مجھے جہنم دکھاؤ تاکہ خوف الہی زیادہ ھو. چنانچہ یہ بھی کیا گیا جہنم کو دیکھ کر آپ نے داروغہ جہنم سے فرمایا کہ دروازہ کھولو میں اس دروازے سے گزرنا چاہتا ھوں چنانچہ ایسا ہی کیا گیا اور آپ اس پر سے گزرے پھر آپ نے ملک الموت سے فرمایا کہ مجھے جنت دکھاؤ وہ آپ کو جنت میں لے گئے آپ دروازوں کو کھلوا کر جنت میں داخل ہوئے، تھوڑی دیر انتظار کے بعد ملک الموت نے کہا کہ اب آپ اپنے مقام پر تشریف لے چلئے آپ نے فرمایا کہ اب میں یہاں سے کہیں نہیں جاؤں گا. اللہ تعالی نے فرمایا کہ کل نفس ذائقة الموت تو موت کا مزہ میں چکھ ہی چکا ہوں اور اللہ تعالی نے یہ فرمایا ھے کہ ہر شخص کو جہنم پر گزرنا ھے تو میں گزر چکا. اب میں جنت میں پہنچ گیا اور جنت میں پہنچنے والوں کے لئے خداوند قدوس نے یہ فرمایا ھے کہ جنت میں داخل ہونے والے جنت سے نکالے نہیں جائیں گے اب مجھے جنت سے چلنے کے لئے کیوں کہتے ھو...؟ اللہ تعالی نے ملک الموت کو وحی بھیجی کہ حضرت ادریس علیہ السلام نے جو کچھ کیا میرے اذن سے کیا اور وہ میرے ہی اذن سے جنت میں داخل ہوئے لہذا تم انہیں چھوڑ دو وہ جنت ہی میں رہیں گے. چنانچہ حضرت ادریس علیہ السلام آسمانوں کے اوپر جنت میں ہیں اور زندہ ہیں حضرت ادریس علیہ السلام کے آسمانوں پر اٹھاۓ جانے اور ان کو ملنے والی نعمتوں کا مختصر اور اجمالی تذکرہ قرآن مجید کی سورہ مریم میں ھے اور کتاب میں ادریس کو یاد کرو بیشک وہ صدیق تھا غیب کی خبریں دیتا اور ہم نے اسے بلند مکان پر اٹھا لیا. یہ ہیں جن پر اللہ نے احسان کیا غیب کی خبریں بتانے والوں میں سے آدم کی اولاد سے۔
(خزائن العرفان، ص ٥٥٦-٥٥٧ ، مريم:٥٦ـ ٥٨)
Comments
Post a Comment