ہمارا اعصابی نظام (Nervous system) سگنلز کو 430 کلومیٹر فی گھنٹہ کی رفتار سے آگے منتقل کرتا ہے- یہ ایک بلٹ ٹرین سے بھی زیادہ تیز اور اڑان بھرتے ہوئے زیادہ تر جیٹ طیاروں کی رفتار سے بھی زیادہ تیز ہے- مائیلینیٹڈ نرو فائبرز (Myelinated nerve fibers) ہمارے حرام مغز (Spinal cord) کو بقاء اور خود حفاظتی کے لیے بنی ایک حیاتیاتی سپر ہائی وے (Biological superhighway) میں بدل دیتے ہیں- ہمارے جسم میں اربوں اعصاب (Nerves) موجود ہیں- جب ہم کِسی گرم چیز کو چُھوتے ہیں یا ہمیں درد محسوس ہوتا ہے تو اعصاب یہ پیغام دماغ اور حرام مغز تک پہنچاتے ہیں- کچھ خاص اعصاب کے گرد چربی کی ایک حفاظتی تہہ ہوتی ہے، جِسے Myelin کہتے ہیں- یہ تہہ بجلی کی تاروں پر چڑھے ہوئے انسولیشن (Plastic coating) کی طرح کام کرتی ہے- اس کی وجہ سے اعصابی سگنل (Electrical Impulses) سست روی سے چلنے کے بجائے چھلانگیں لگا کر (Saltatory Conduction) انتہائی تیز رفتاری یعنی 430 کلومیٹر فی گھنٹہ کی رفتار سے سفر کرتے ہیں- اضطراری راستے (Reflex Pathways) ہمارے جِسم کا خودکار دفاعی نظام ہے- جب ہمارا ہاتھ اچانک کسی کھولتے ہوئے پانی یا گرم استری پر لگتا ہے تو پیغام کو دماغ تک جانے اور سوچنے کا وقت نہیں ملتا- سگنل سیدھا حرام مغز (Spinal Cord) تک جاتا ہے اور حرام مغز فوری طور پر (پلک جھپکنے سے بھی پہلے) ہاتھ پیچھے کھینچنے کا حکم دے دیتا ہے- اسے Reflex Arc کہتے ہیں، اور یہ ہماری بقاء (Survival) کے لیے انتہائی ضروری ہے- حرام مغز ایک ایسی مرکزی شاہراہ (Main Highway) ہے، جہاں سے جِسم بھر کے تمام سگنلز گزرتے ہیں- جیسے کسی ایکسپریس وے پر گاڑیاں تیز رفتار سے گزرتی ہیں، اسی طرح یہ اعصابی فائبرز معلومات کو بغیر کسی تاخیر کے جِسم کے ایک حصے سے دوسرے حصے تک پہنچاتے ہیں- ہمارا اعصابی نظام ایک سپر کمپیوٹر اور بلٹ ٹرین کے امتزاج کی طرح کام کرتا ہے تاکہ ہمیں کسی بھی خطرے کی صورت میں فوری طور پر محفوظ رکھا جا سکے-
Comments
Post a Comment